ســــــاقی

دڵ نگه‌رانه‌ن ساقی پێم یاوه    ‌-----   با جه‌ ده‌س نه‌شو وه‌شه‌ن ئی خاوه‌

زوزو وه‌شکه‌ره‌ جامه‌که‌ت په‌ڕ بو -----  کێشو په‌رده‌ی چه‌م گوشم با که‌ڕ بو 

په‌رده‌ی لێڵاوی کێشو روی دیده‌م ----- دڵ نـــگه‌رانـه‌ن ئـــه‌ی به‌رگــوزیده‌م

ساتێو بێخه‌م بوو بشوو جه‌ هوشم ----- تا زڵــمی زاڵــم  نه‌ژنه‌ڤــو گوشم

پێم ده‌ر ساقی گیان ، گیان به‌ فیدات بو ----- مه‌یخار به‌ فیدای توزه‌که‌ی پات بو 

ساقــی هــوقـــه‌ی مــه‌ی بـاوه‌ره‌ وه‌ لام ----- با خاڵی نه‌بو ده‌ستی مه‌ست وه‌ جام 

هه‌رتا وێم یه‌کسه‌ر غه‌رقی مه‌ی که‌روو ----- هوقه‌ی مه‌ی وه‌ ده‌م یه‌ک ده‌م هه‌ی که‌روو

تا به‌ڵکــو مه‌ست بوو مه‌ستی ئه‌به‌دی ----- بیاڤوو وه‌ مه‌ستان سته‌مشا نه‌دی 

ئه‌ر حه‌ڵقه‌ی مه‌ستی وزا گه‌رده‌نم ----- ماچوو من داخی سته‌م وه‌رده‌نم 

هه‌رتا که‌ی خه‌فه‌ت هه‌رتا که‌ی ناڵه‌ ----- هه‌رتا که‌ی شیوه‌ن سته‌م و تاڵه‌   

باوه‌ر وه‌ هانام په‌ڕ که‌ره‌ جامم  خه‌تێو بکێشه‌ وه‌ رووی زامانم

چی شێعرێنه‌ شاعێر گله‌یێ جه‌ حاڵ و وه‌زعو کومه‌ڵگاکه‌یش که‌رو ، گرد چێوشا ده‌س ئاسته‌ن ، نه‌ هه‌رمانێوه‌ی فه‌رهه‌نگیه‌ و نه‌ ئێحساسو وه‌رپرسی ( مسئولیت ) وه‌راوه‌رو گرفته‌ کومه‌ڵایه‌تیه‌کا و گرفتێ زاروڵه‌کا و جوانه‌کاشا و ...

نه‌وسوده‌ لوا واچێنی تاران

ئیسه‌ باس باسو هه‌سه‌را و باران !

هه‌رچی غه‌زه‌ب بێ گرد وه‌نـه‌ش واران

ئانـــه‌ قـــــــه‌ده‌ر بو هیــچش نـه‌ویـاران

 

ادامه مطلب ...

ئی شێعرێمه‌ په‌ی ره‌فێقی فه‌رهه‌‌نگ دوس و فه‌رهه‌نگ په‌روه‌ریم که‌یهان ئێبراهیمی نژادی واتـێنـــــه‌ . 

قیبله‌م قیبله‌گای رووی سه‌رزه‌مینم

دین و ئیمانم گیـــــــانی شیرینـــــم

هه‌ر ساتێو دیده‌م به‌ دیده‌ت شاد بو

هه‌زار جار گیانم سه‌رگه‌ردی رات بو

 

 

ادامه مطلب ...

شێعرێوه‌ته‌ره‌ جه‌ شێعره‌ وه‌شه‌کا مه‌حمودی ئاژیری  " په‌شـێو  "   وزوو وه‌روو نه‌زه‌رێتا .

شێعرێ  " په‌شێوی‌ " زیاده‌ چانه‌یه‌ تام و چێژی تایبه‌تشا په‌ی وانه‌ری هه‌ن ، تووشوو سه‌رسڕمه‌نه‌یێوی تایبه‌تید که‌را وه‌ختـێـــو که‌ زانــاد ‌ نه‌خوێنده‌وارا !. ئی بلیمه‌ته‌ وه‌شه‌ویسه نه‌خوێنده‌وارا به‌ڵام جه‌ سایه‌و عێشق به‌ ئه‌ده‌ب و نه‌ریتو وه‌ڵاته‌که‌یش فێـــــــروو ‌ وانای و نویسه‌ی هه‌ورامی بیه‌ن ، و تاوانش گردوو شێعره‌کا وێش به‌ رێکوپێکی بنویسۆوه‌ !  جه‌ حاڵێوه‌نه‌ به‌شێوی فره‌ جه‌ لیسانس و لیسانسی سه‌رته‌ر هه‌نێ که‌ ته‌نانه‌ت مه‌تاوا دێــــڕێـــو به‌ زوانی ئه‌دایی وێشا بواناوه‌ ، یا به‌ لانی که‌م زه‌حمه‌تو فێربیه‌یشا نه‌دان‌ وه‌روو وێشا . یاگێ ئانه‌یچشه‌ هه‌نه‌ کاک مه‌حمودی ئاژیر ( په‌شێو ) چی بارۆ کــــریــــــــو  به‌ سه‌رمه‌شق .

                                          <<   په‌شێــــــو  >> 10/12/89

                        ئی ڕه‌ێ ملۆوه‌ سـەروو  ڕاو لـــــڕی
       رەفعەت ...
 (1)
    چی زاڕۆڵێ بێدەنگ بانەو بانشانە! تۆ واچی شێخ ئامابۆ ؟ جاران بە زرم و کوتوو تەپڵ و دەفی زانێنمێ شێخی تەشریقش ئاردەن! ئیتر زاڕۆڵێ گەڕەکی" تلووکرماجی، پیرمکایەڵ ، باواخاکی و خەیری زیندە" وەنەو پیرەژەنێنە گلێرێ بێنمێوەو بە وەرێسە بییای یان بێبن و چێوی چا بابەتە پڕچێ وەشێ کەرێنمێ پەی وێما و چەنی دەروێشا بە "حەی و حەی ئەڵا" کۆوکەمەری ئارێنمێوە دەنگێ
 ئارۆ چیێش بیەن ؟ زاڕۆڵی پێسە جارانی وەششا نیا ، با قوللە بانۆ سەرە کێشوو ، ئا خەڵکە چێش کەرۆ ؟ ڕووەو یانەو ئێمە مەیا!
 کابرای مشکی بەسەر بەسام و هەیبەتەوە کووجییە گوینێوە سەرەش زنیۆو حەشاماتێوە فرە کەوتێبێنی شۆنیش ، یۆ سنووقەکەیش پەی هۆرگێرێ و یۆ سوارو هەسەرێش کەرێ و یۆیچ یانەو یانە گێڵنێش و ئی بان و ئەوبان جاڕ دێ : خـەتــەنـە کەرم ، خـەتـەنـە...؟
منی نیگبەتیش پێسەواچی گلاراویمه‌نه‌ و پەی شەڕی گێڵوو پەپوولە ئاسا  وێم  وست وەرو دەسیشا؟!
"بدیە ئامریچڵێ "
ئاخخخخخخخخخخخ
ئیتر نەزانام  شەوەنە یان ڕۆ، زەمین سوور کەرێوه‌ چەنی ونێ ، خاسا چەنی بەشێوە جە لەشیت بڕاوە بەبێ ئانەی سڕت کەراو و ورازاشۆ ؟  ئانە بامه‌نۆ ساوڵۆن و پانسمان و ئیجۆرە چێوێ هەرباسشا نەبێ؟
 بێمزەڕەت بی " مـەمـەدەلی" بەشێ خودای دان چی مشیۆ تۆ چەنەم بسانی و فڕەش دەی وەرو کت و تووتەی؟!
حەتمەن ماچۆ شیرینیو سونـەت کەردەیتا؟
ئەی خۆ مەتی "خوچێچ "کناچێ خـەتـەنـە کەرۆ چی پێسە ئی کابرایە جاڕش پەی مەداو شیرینیچ بەش مەکەراوە!
تۆ واچی ئی ماسە بێ موو بۆ؟!
 (2)
     ئەی ئانە نیا ماچا دنیاو ئارۆی، دنیاو عەقڵ و زانایی و کارئاسانی و فرە چێوا تەریه‌نه‌ ، ئه‌ی چی کەس قەباڵـەو کەسی مەوانۆوه‌ ! ئاشەوە گەرکما بێ" لـەوە "ی خەتـەنـە کەرمێ ، ئەداش واچێ دکتۆری  تایبەت نەبۆ نمازو خەتەنەش کەرا ! خاسا خۆ ئاکابرا منش خەتەنە کەردا دکتۆری تایبەت نەبێ و جیاتی "تەمتووری" بووڵـە کەرێ  سەرو زامەکەیه‌رە و ئی گرد هەراو هوریایچشە گەرەک نەبێ!
فەرماوە ، خانمە نامێ سەد کەساش پەی نوویستەنا و مشیۆ کارتەو داوەتیشا پەی کیانوو و هۆڵشا پەی گێرو ؟
بەڕێز ئاغای فڵان و خاتوو فڵان ...
وەشحاڵینمی بە ئامادە بییەیتا جە هۆڵو...
ناشوکری نەبۆ نامێو هۆڵەکەی نمەی سەرو زوانیم ! تۆ واچی زوانیچم  نەبڕیابۆ ! نا، یەکجار پاسەیچ نیا، چەنی زوان بــڕیۆ؟
ئاسانا ؟ هەر ئەننە ئیرادەش چەنەگێری، ئیتر بیە و نەبیەیش یۆن؟
دەیخۆمن زوانم هەن، بەڵام بێ ئانەی بــڕاش، نە ئیرادەش هەن و نە مزانۆ تام و لەزەت چێشا؟!
واز بارە، ویرو هۆڵەکەینە بە، بزانە نامێش چێشا با خەڵک وەنەش نەشێویۆ و بێزاشۆ !
کورە دەی چ فەرقێو کەرۆ نامێش چێش بۆ و چێش نەبۆ ! هەر ئێندنە شۆنی بەرکەرا و یۆگیرێ با!
دنیاکێ فاریِەنە ، ئەگینا ئەوسا بەبێ داوەت گلێرێ بێنمێوە، ئیتر ئاغا و خانم و فڵان و فیسارش گەرەک نەبێ و بە زوانوو وێما و بەبێ کێشە نامێو یۆی دێنمێ؟
کەردما نامێوەش بییە پێسە نامێو من ! ئاوەخت سەرت وەنەشێونا و جیاتی هۆڵی پیایانـەی ، هۆڵی ژەنانەت نیشانە مدا؟!
(3)

    تۆ واچی تاتەم شاکارش کەردەبۆ و دلێ ئی گردو نامانه‌ ئی نامێشە هۆرچنیەبو ؟
فەقیر چووزانۆ ڕەفعــەت زوانوو وێما نیا و سەوای هەریۆ جۆری نامێم مدۆ
بە ڕەحمەت بۆ حەکە شێت واچێم په‌نە : ڕەحفەت، ئەدایچم کە فرە وەشش مسیەو ماچۆم پنە ڕەفحەت!
بەڵام مەزانوو چی مامۆستاکەما پەنەش واتانێ "خانم مرادی" کە من پاسە تووڕە بیا؟!
ناهەقم نەبێ، کوڕەکە وێش بە وەرزشکار زانێ و دانشگانــە حەساو پەی کەسی نەکەرێ!؟ خوازما ئاڕۆیچە کە پۆلەکە جمەش ئێ چەنی کناچا ، مامۆستا دەفتەرەکەش بەرئارد و دمای ئەوەواناو چندنە نامێوی، عەینەکەکێشَ کەردێ چەم:
خانم محمدی: بەڵی مامۆستا
خانم محسنی: بەلێ مامۆستا
خانم مرادی : ها!!!!!!!!!!!!!!!!!!!!!!!!
 ئیتر بۆ دیارو قیلە قیلوو هەرا وهوریاو زارۆڵا!
هارەقو شەرمیم متەرەو و پەی هەمیشەی بەرزی و بەرزاییم وەرو چەما کەوت؟!
گەرەکم بێ سەلەمنوو نامەکێم کوڕانێنە، دڵوو وێمەنە واتم  چووزانۆ تاتەم بە شانازییەوە ئی نامێشە پەی ئێستەناوە؟ کەردیچما کناچانێ بۆ، کوڕو کناچە فەرقش چێشا؟ ئەگەر فەرقشا نەبۆ چی پاسە پەنەم خوا ؟
خۆزگە نامێم مەحمود یان احمد یان احد یان مسەفا و چا جۆرە ناما بییە ، وەس نەبێ پێسە کاڵای تەزویر مارکێ وێمانێشا پۆوە چەسپنێنێ و ئاوەخت پنەم واچێنی : مچە، ئەحە ، حەمـە یان خولە و ئیتر شەرم نەگێرێم!
بەینوو وێمانه‌ بۆ پانەیه‌ واز نارێنی و پەنەت واچێنێ: خولە کەچەڵ، مچەکۆر و ئەحە شەل و...
بەڵام وەس نیا مەواچات پەنە" خانم مرادی" و پەی هەتا هەتای تووشو سەرە ئێشەی نمەی؟
 
(4)
      ڕەحمەتەو رۆحو وەڵینا کە واتەنشا : "زوان تو بازه‌م سەرەم سڵامەت "
لاو وێشۆ کوڕەکە گەرەکش بێ هەنگ ئاسا هەریاگێو گوڵ و گوڵزارێو هەن سەرەش پـۆرە کەرۆ و ئاوارە بارۆ پەی کلوورەو زوان و ئەدبی کوردی؟
 هەر ئێندنە وەش بێ چیرۆکەکەێم  نیا وەرو دەسیشا ، ئیتر پێَسە دەس بەری پەی هیلیانۆ زەردەواڵا دێویایم وەنەو  کۆتێ بۆڵەبۆڵ ؟!
  کاکەگیان ئینە چ زوانێوا ؟! مەبۆ ! چەنی کریۆ!؟
بدیە منی داماو ، ئەرەجییەم  ڕۆشنویرو وڵاتە تازە جە ئەدابیەکەیم  پەرۆشوو هەنگوینی وێمانەیا ؟! نەزانام ....
واتم : چی مەگەر... ؟
هەرپاسە کە خەریکەو ئەوەوانای بێ سەرەش بەرز نەکەردۆ و قسێو ئەوەڵ وئاخریش کەردە:  "ڕاست گەرەک بۆ، ئێمە بەس کوردی وەڵا کەرمێوە!"
واتم : بەڕیز گیان زوانی هۆرامییا !
ڕاسا هەورامییا ! بەڵام کەس مەزانۆ وانۆشۆ !!
هەڕە سەرەمەرە ، ئینە هۆرامییە  پەساکریاکەو  ئارۆیا کەس مەزانۆ بوانۆشۆ ! ئەی ئورومۆن بییە چێش؟ خۆ ئانە مشیای سەیدی هۆرامیما زیندنە کەردێوە پەی ئەوەوانایش؟!
(5)
     ئەی چی ماچا گیواو سەرو ڕیشەو وێشۆ سەوز بۆوە!
کورە ڕیشەو چێشی و گیواو چێشی، ئوونـە نیا باخ و باخاتیشما خەریکا پێسە زوانەکەیما قەرەچۆڵش بــڕیان! وەروەو چێشی و وارانوو چێشی ؟
خواکەرۆ ڕاس بۆ! زاناکێ  وێشاوە مەواچا دنیا ئاخرا ؟! 
خاسا ئەی جه‌ قەور وقیامەتەنە چێش ؟ کێ چی زوانە عەڵاجەوییە یاوۆنە ؟! ناشوکری نەبۆ چی دنیانە دوێ کەلیمێ عەرەبیشا فێر نەکەردا؟
خوا خێرەو مەڵا سەعڵڵای بنویسۆ ! وەس نەبێ بە زوانەکەو وێما چوار کەلیمێ تەڵقینەش فێر کەردیمێ !
ئا ڕووە شەفە زەرد مەردەبێ و ئاد تەڵقینەش دارە:
شەفە کوڕو حەوێ !
ئانا تۆ مەردەنی!
دوێ ملایەکی مەیا سەرت ،
 باکت نەبۆ! بە زوانوو وێما جوابشا دەوە ؟!
خوا یۆن، پێغەمبەرم ...
ئیجا بۆ وێت گێرە؟ مەلا سەعوڵڵا سەرە هەڕینی ئارێرە خووە! بەڵام کێ ماچۆ چەو دنیایچەنە پێسە ڕۆنامەکەو وێما بۆڵەبۆڵ مەکەراو و مەواچا حاڵیما مەبۆ ؟ ئەوسا یان مشیۆ بە زوانی ستاندارد جواب دەیوە ! یان ماچات پـەنـە لوە یۆ بارە هۆرش گێڵنۆوە سەرو زوانوو قورعانی؟!
تۆ واچی ئادێ ڕاس واچا و ئێمە جڕو جانەوەرێ بیمێ ؟!
یانەو مینۆرسکی و مەکنزی و کێ وکێ... ئاوا !
خۆ ئەگەر ئادێ نەبێنێ ڕەنگە ئیسەیچ کەس نامێما نەزانێ و پەنەشا واتێنمێ خێڵ و جن وجنۆکەی !
ناڕەحەتێ مەبیدێ ؟
تا ئیسەیچ خەڵکمان هەن هیچ نامێوەشا پەی نەیەستەنۆ ! وەس نیا جن و جنۆکەیچما پـەنـە ڕوا وینا ؟!

(6)
    بلـەسوور  واچێ : ئەوسا نان نەبێ بوەرمێ ، چێگۆ وەزی و تفی و هەنارو ساو و هەڵووچە  گێرە  تا چای لاجان و  ڕوه‌نی وێمانەو و کەشک و دۆ ، بار کەرێنمێ و سەراسەرو وەڵاتی گێڵێنمێ بەشکەم بەشو موحتاجی بەرکەردەی گەنمەما دەس گنۆ و ژەن و زارۆلەش پنە بژیونم، هەریاگێ بارما وسته‌ بیە واچێنێما په‌نـە: گۆرانی ؟!
واتم   چی مەگەر گۆران ...
ئەی هووووووووووووووو؟
کوڕەکەم گەورە بییەی مزانی چی!؟
ناوامە دەنگێوە ئاشنا ئاینــــــــەو خیاڵیش مــــاڕانێ؟
هۆۆۆۆۆۆۆۆۆۆۆۆۆۆۆۆۆۆۆۆۆۆۆۆۆ ماچی ئینا چەو دنیانە، چایەکەت سەردۆ بی،
ئازا قەڵەم و کاغەزم گرت دەسمەوە :
بێ قەزا بی بلە سوور،  چ بەزمێوەت پەی نیانێوه‌! خاسا فەرقش چێشا؟
گۆران و گاڤران و گەڤر و کافر ؟!
هەرجۆرێ حەسابش کەری، هەر یۆن !
بە قەوڵـوو وەڵینا:
ئی ڕێ ملۆوە سەرو ڕاو لڕی؟!
 
 
 
_______________________________________________
رۆشنکەردەیۆ :
لــڕ: کەشێوی هەڵەتا  کەگردو ڕاکاو بنارو کەلە قەندی چا یۆگیراوە 

                                                             حه‌وزه‌ لاره

 

 

     ڕام که‌وته‌ ئارو ئو حــه‌وزه‌ لاره‌                    دڵم بی که‌باب ده‌ر‌وون ســــــه‌د پاره

بیه‌ بێ یاگێ شیــوه‌ن و وه‌ی وه‌ی            چوڵ و وێرانه‌ چنــــار ڕه‌نـــگی به‌ی

واتم ئای تونی سه‌رته‌نووری به‌رز              کون سه‌ی سه‌هه‌ندت چی فاڕیان عه‌رز

کون چایخانه‌ و چنــــاری سه‌وزت              کـــون هاژه‌و ئـاوێ که‌لاو بێ حه‌وزت

کون مه‌نزه‌ره‌ی وه‌ش کون چاوڕاوت            ئاوه‌دانیت کـــون چـی نه‌مـــه‌ن باوت

چی سـه‌رتا واری بتــون کریانی                جیـــای چایخـــانه‌ی مــــزگی نریـــانی

بیــــــه‌نی یاگـــــێ فاتـێـحه‌ وانای              یو په‌ی شیــــوه‌نی یـــــو وێ ئه‌رمانای

که‌س نمه‌ێ لاو تو به‌ عه‌زمو وه‌شی          چـوڵ و وێــــــــرانـه‌ ، قه‌دیـمی مـه‌شی

ماچـو تو کێـنی ؟ بــرای ڕاگــوزه‌ر               ماچـی جــه‌ دنیـــای نیــه‌نت خه‌بـــه‌ر

چه‌رخێـــو فـاڕیـا ستــه‌مش لابه‌رد             ستـه‌مێــــــوته‌ری تازه‌ش به‌نــا کـــه‌رد

قه‌ڵای شادیو شوق شاناش وه‌هه‌مدا        پاشاش وه ‌ڕووی تاف گێجی ماتــه‌مـــدا

گێـجی ئه‌ڕفانــا وه‌ ده‌شت و ده‌ر دا             شه‌ماڵی هـورگێـرت به‌ کو و که‌مه‌ردا

ئیسه‌ قوله‌ی خه‌م جه‌ وه‌ڵات به‌رزه‌ن          شیــوه‌ن و ماتـــه‌م جه‌ عالــه‌م فــه‌رزه‌ن

منیچ چوون عاله‌م شێــــــویان حاڵم          به‌رزته‌ره‌ن جـه‌ عام هه‌نـاسه‌ی کــاڵم

جه‌ داخی چه‌رخی چه‌پگه‌ردی چه‌پــڕه‌و     حه‌رامش که‌رده‌ن وه‌شیــو خورد و خه‌و

به‌ توپ و تانگ و مین و قومپـــاره‌              شێـــوناش ئاسـاو ته‌نوور و هـــــــــاره

نه‌مه‌ن کوره‌گام شنه‌ی شه‌م خێزش         چوون شنـــه‌ی شــاهو فێـنک ئامێــزش

حاڵیم بی ، سته‌م بـڕیه‌نش جه‌رگش         چوون ئازیز مه‌رده‌ سیـــاو بێ به‌رگـش

چوون قوله‌ی شاهو دڵ وه‌ ته‌م که‌رده‌ن       نـاڵـــه‌ش جـه‌ داخــی هـه‌زاران ده‌رده‌ن

دڵم بی که‌باب ده‌روون ئاما جوش              جه‌ داخـی چه‌رخی چه‌پی شه‌ڕ فـروش

جه‌ داخێ چوڵی و نه‌مه‌نه‌ی قاڵیش           دورانــی ســه‌ختـی روزگــاری تاڵـیش

چناری وشکی سیـاو زوخاڵیــــش              وستــاشــۆ یادوو جاخه‌کێ پاڵـــــــیــش

به‌ڵێ حاڵیم بی جه‌ عه‌رزه‌و حاڵیش           حاڵ و ئه‌حـواڵ و هـه‌زاران ساڵـیـــش

که‌ردانێش قه‌قنه‌س چه‌مم بی هانه            ڕاسـش فــــه‌رمـاوا ستــه‌م بــێ پـانــه

    چوون شه‌نگه‌ر خه‌فه‌ت چاگه‌ شه‌نگه‌ربێ        خه‌فـه‌ت فــــراوان دارای سه‌مه‌ر بێ

    جه‌ داری وه‌شی دیم وێش شه‌نیه‌ر بێ         خه‌ریکی شار و ده‌شت و که‌مه‌ر بێ

    لاڵام گـــره‌وام  بــا مـه‌نــو وه‌شـــــی       خه‌فه‌ت داش سه‌مه‌ر وه‌شی کون؟ سه‌رشی

     ماچــو مه‌لاڵه‌  ویــــــه‌ره‌   لــــــــــوه‌               سه‌ر شیه‌ن وه‌شی نه‌مه‌نه‌ن  خـــوه 

                                                        ‌ http://nawsud.persianblog.ir          

                        برِیَو قسیَ وةشیَ                            

 

           پیةیَوی کرولَ دمای بةینیَو بیَکاری و سةرگةردَانی بة موچیاری قوم و ئةژناسی وامیَوی فرة بانگةنة مارو ئاژةلَة وردَةش ( بز و مةی و کاورِ ) پةنــــة مسانو ، خجلَیوش پونة بة هةمیَدَو ئانةیة خودَا رِسقش دو وة چی وةزعیَ نةجاتش بو .

دمای بةینیَوی رِیش چةرمیَو ماچو فلأنةکةس شوکر پةی خودَای وةزعةدَ رِووَ خاسة ملو حةمدو سةناو خودَای کةرة هةر هیچ نةبو نماکیَدَ بوانة با بةرةکةت گنونة مالَیدَ.

ئادَیچ گوشش دارونة و هةر پاسة کةرو کة موچیاری کریا . دمای دة دوانزة رِوا دةردَیَوة گنونة ئاژةلَه که یش جة نیمةیشا زیاتةر مردَاریَ باوة . پیا رِیش چةرمةکة مةیَوة پةی لایش دلَداریش مدَو وة ؛ ماچو ئینة ئیَمتحانیَ خودَایةنیَ بةندَنةو ویَش تاقی کةرو وة ؛ گوش مةدَةپةنة دلَ بةدلَ نةدَةی ویَش عةیوةزادَ مدَو وة!

    حوت هةشت رِویَتةرش پةنة مشو گورِ تةپو ملشارة پةنج ششیَوشا بةریَ مشا ئةویَ گردَ با چیَروَ مردَاریَ باوة ! دیسان کابرا مزیوناوة هةر عةینو قسة وةلَینةکا دلَداریش مدَو وة!

ئیَدَیچ ملیَو منیو لاوة ماچو هةلَبدَ رِاسا رِةزاو خودَایةنة !!

ئا کوچة ( په‌نج شش سه‌ره‌ ) مةنیَنیَ مةکریو بینیوشا پو ، وةریَشا مدَو ویَرةگانة ویَشا مةیاوة.

دمای دة پانزة رِوا وةرگ تایین بو پةیشا یوةشا مةنو ئةویشا موةرو ! . [ بةلأم رِیش چةرمةکه مةیارو بةیَ پا مةحالَةنة ] ئا دانیَچة دورو کةلو کوگایةنة دوورة مةگنو وة هةر پاگةنة خولیو وة.

 رِویَو پیاکة نارِةحةتو مانیا کوگانة گنو پالَیَ گةرةکشا خوراسیَوة کةرو ، بزة بةلبرِیاکیَ دةس کةرو بارِةبارِ پیایچ وةنوزیش پةنة مةکریو ، هورزو وة ماچو [ بة بزةکیَ ] لوة پوسو ، گمة بة تا دویَ رِةکاتیَ نمایچم نةکةردَیَنة پةی تو ؛ دةی یالَلأ ....     11/11/87     

 

 

                               « دةسوو  دیــــــــم »

 

            کابرةیَوی ملَکدار سالَةو وشکة سالَی هةر هوَریَ گنا ئاسمان و خةبةریَو جة وارانی نیا ، تا وادَةو وارانی تةمامیو و کابرا تةمةو گردَچیَوی برِو و قةسةم موةرو خودَا شةرتة بو دویَ سالَیَ دةســــــوو دیمیَ گیَروو و نمــــــــــةیَوةیچ  نةکةروو   !!!

 

 

 

 

 

 

       

                                  »  لالو سةعـــــــــــة «

  

           پیةوی رِیش چةرمة و بیَ حةدَ قسةوةشی نةوسودَیا ، قسیَش حةکیمانیَ و پةرِ جة مانانیَ پةی خاس گوش پةنةدایشا بة شیَویَوی وةش و لةزةتی ماچوشا ،‌ زةماوندَنة بو یا پةرسة ، مةجلس ژةنانة بو یا پیایانة قسیَ ویَش کةرو !

     

              ئی نةقلَه ویَم دةمشو ئةژنةویةن ، دة دوانزة نةفةریَ سةرو حةوزة لارةیو نیشتیَ بیَنمیَرة، قسیَ ئامةیَنة وةر باسیَ بةینو ژةنو پیای ؛ لالو سةعة ماچو « عةشرةت با من قسیَوةتا پةی کةرو : رِویَو گوژدی عالم ئةساو بةردَمو پةی یانةی سةرو پنیَوة خاس کواشةو [ یانیَ کةیوانوةش ] بیَ شمة ناوةش کةردَش کفتیَ ؛ کفتیَ عالیَم واردَیَـــو ، دویَ چایة تالَیَ و سةرو قولةو بانیوکوتا پالَیَ جگةریَوی هیَقمیچم کیَشت سةرشا ؛ مدَیةو دمم دةوارش هوردا !

  ئةویَچة پانة ختوپش کةریَ چرِیم (...) دویةرجار چرِیم ئیجا جوابش داوة ، تومةز ئینة ئادَیَــــچة دةردَیَـوةش هةنة ! ئاما واتم ژةنةکیَ هةرمانیَ دةس بازة بورة لابةرة با بیژیةیمیَرة!

عةشرةت بة مةزةبم پاسة چیَقناش سةرةمةرة تا ئیســــــــــــــــة ... نةهورسةنو !!!!

 

 

 

 

           

                                                «  ئةحلیَ »

 

            ده پانزه کةسیَو مةجلسیَوةنة نیشتیَباره باسوو هورپرِای مةیَنة وةر یو بة وةشی ، یو بة گولی هةرکام چیَویَو ماچا ، یوشا لاو ویَشو ئةجوش هیچش ناسةنو  ماچو:

 باورتا بو من تا ئیسة هورنةپرِانا ،

 ئةحلیَچ کةرو وة زوان ماچو: تائیسة کیَ هةرش دیةن هورپرِو !!  

                  *************************

 

           رِویَو لالو ئةحلیَ چةنی ژةنیَویَ هامسا ملَکیش سةروو ئاویَ دةنگیَشا مةیا ، ژةنةکیَ

ماچو تو حةر ملَکدَ نیا ملَکوو مزگیا ! ئیسة زوردَ وةنة ئاردَیَنمیَ !  لالو ئةحلیَچ  کةرووة زوان

ماچو « سا بة گیانو تو قةبالَةم ئینا چا ئاندَنةو بانةگاو تو پانا » !                        

                             ************

              

ادامه مطلب ...