برِیَو قسیَ وةشیَ                            

 

           پیةیَوی کرولَ دمای بةینیَو بیَکاری و سةرگةردَانی بة موچیاری قوم و ئةژناسی وامیَوی فرة بانگةنة مارو ئاژةلَة وردَةش ( بز و مةی و کاورِ ) پةنــــة مسانو ، خجلَیوش پونة بة هةمیَدَو ئانةیة خودَا رِسقش دو وة چی وةزعیَ نةجاتش بو .

دمای بةینیَوی رِیش چةرمیَو ماچو فلأنةکةس شوکر پةی خودَای وةزعةدَ رِووَ خاسة ملو حةمدو سةناو خودَای کةرة هةر هیچ نةبو نماکیَدَ بوانة با بةرةکةت گنونة مالَیدَ.

ئادَیچ گوشش دارونة و هةر پاسة کةرو کة موچیاری کریا . دمای دة دوانزة رِوا دةردَیَوة گنونة ئاژةلَه که یش جة نیمةیشا زیاتةر مردَاریَ باوة . پیا رِیش چةرمةکة مةیَوة پةی لایش دلَداریش مدَو وة ؛ ماچو ئینة ئیَمتحانیَ خودَایةنیَ بةندَنةو ویَش تاقی کةرو وة ؛ گوش مةدَةپةنة دلَ بةدلَ نةدَةی ویَش عةیوةزادَ مدَو وة!

    حوت هةشت رِویَتةرش پةنة مشو گورِ تةپو ملشارة پةنج ششیَوشا بةریَ مشا ئةویَ گردَ با چیَروَ مردَاریَ باوة ! دیسان کابرا مزیوناوة هةر عةینو قسة وةلَینةکا دلَداریش مدَو وة!

ئیَدَیچ ملیَو منیو لاوة ماچو هةلَبدَ رِاسا رِةزاو خودَایةنة !!

ئا کوچة ( په‌نج شش سه‌ره‌ ) مةنیَنیَ مةکریو بینیوشا پو ، وةریَشا مدَو ویَرةگانة ویَشا مةیاوة.

دمای دة پانزة رِوا وةرگ تایین بو پةیشا یوةشا مةنو ئةویشا موةرو ! . [ بةلأم رِیش چةرمةکه مةیارو بةیَ پا مةحالَةنة ] ئا دانیَچة دورو کةلو کوگایةنة دوورة مةگنو وة هةر پاگةنة خولیو وة.

 رِویَو پیاکة نارِةحةتو مانیا کوگانة گنو پالَیَ گةرةکشا خوراسیَوة کةرو ، بزة بةلبرِیاکیَ دةس کةرو بارِةبارِ پیایچ وةنوزیش پةنة مةکریو ، هورزو وة ماچو [ بة بزةکیَ ] لوة پوسو ، گمة بة تا دویَ رِةکاتیَ نمایچم نةکةردَیَنة پةی تو ؛ دةی یالَلأ ....     11/11/87     

 

 

                               « دةسوو  دیــــــــم »

 

            کابرةیَوی ملَکدار سالَةو وشکة سالَی هةر هوَریَ گنا ئاسمان و خةبةریَو جة وارانی نیا ، تا وادَةو وارانی تةمامیو و کابرا تةمةو گردَچیَوی برِو و قةسةم موةرو خودَا شةرتة بو دویَ سالَیَ دةســــــوو دیمیَ گیَروو و نمــــــــــةیَوةیچ  نةکةروو   !!!

 

 

 

 

 

 

       

                                  »  لالو سةعـــــــــــة «

  

           پیةوی رِیش چةرمة و بیَ حةدَ قسةوةشی نةوسودَیا ، قسیَش حةکیمانیَ و پةرِ جة مانانیَ پةی خاس گوش پةنةدایشا بة شیَویَوی وةش و لةزةتی ماچوشا ،‌ زةماوندَنة بو یا پةرسة ، مةجلس ژةنانة بو یا پیایانة قسیَ ویَش کةرو !

     

              ئی نةقلَه ویَم دةمشو ئةژنةویةن ، دة دوانزة نةفةریَ سةرو حةوزة لارةیو نیشتیَ بیَنمیَرة، قسیَ ئامةیَنة وةر باسیَ بةینو ژةنو پیای ؛ لالو سةعة ماچو « عةشرةت با من قسیَوةتا پةی کةرو : رِویَو گوژدی عالم ئةساو بةردَمو پةی یانةی سةرو پنیَوة خاس کواشةو [ یانیَ کةیوانوةش ] بیَ شمة ناوةش کةردَش کفتیَ ؛ کفتیَ عالیَم واردَیَـــو ، دویَ چایة تالَیَ و سةرو قولةو بانیوکوتا پالَیَ جگةریَوی هیَقمیچم کیَشت سةرشا ؛ مدَیةو دمم دةوارش هوردا !

  ئةویَچة پانة ختوپش کةریَ چرِیم (...) دویةرجار چرِیم ئیجا جوابش داوة ، تومةز ئینة ئادَیَــــچة دةردَیَـوةش هةنة ! ئاما واتم ژةنةکیَ هةرمانیَ دةس بازة بورة لابةرة با بیژیةیمیَرة!

عةشرةت بة مةزةبم پاسة چیَقناش سةرةمةرة تا ئیســــــــــــــــة ... نةهورسةنو !!!!

 

 

 

 

           

                                                «  ئةحلیَ »

 

            ده پانزه کةسیَو مةجلسیَوةنة نیشتیَباره باسوو هورپرِای مةیَنة وةر یو بة وةشی ، یو بة گولی هةرکام چیَویَو ماچا ، یوشا لاو ویَشو ئةجوش هیچش ناسةنو  ماچو:

 باورتا بو من تا ئیسة هورنةپرِانا ،

 ئةحلیَچ کةرو وة زوان ماچو: تائیسة کیَ هةرش دیةن هورپرِو !!  

                  *************************

 

           رِویَو لالو ئةحلیَ چةنی ژةنیَویَ هامسا ملَکیش سةروو ئاویَ دةنگیَشا مةیا ، ژةنةکیَ

ماچو تو حةر ملَکدَ نیا ملَکوو مزگیا ! ئیسة زوردَ وةنة ئاردَیَنمیَ !  لالو ئةحلیَچ  کةرووة زوان

ماچو « سا بة گیانو تو قةبالَةم ئینا چا ئاندَنةو بانةگاو تو پانا » !                        

                             ************

              

پیه‌ێوی نوتشی ملو په‌ی شاروو قومی (قم ) سه‌روو کو ڕه‌که‌یش دو که‌ چاگه‌ شێرکه‌تێوه‌نه‌ هه‌رمانه‌ که‌رو . وێره‌گاوه‌ختێو مزیاره‌ بازار ، وه‌روو ده‌فته‌رو ئێزدواج موه‌قه‌تیه‌نه‌ ( ده‌فته‌روو صیغه‌ که‌رده‌ی ) ڕه‌دێ با ، په‌رسو جه‌ کو ڕه‌که‌یش ئینه‌ چێشا ؟ یانێ چێش ؟ کو ڕه‌که‌ حاڵ و حه‌کیه‌تش په‌ی شه‌رح مدو . به‌ دڵش بو و ملا چوه‌ر دانێوه‌ش په‌ی سیغه‌ که‌را ! شه‌وێ پێوه‌ره‌ با و سه‌وای وه‌ختێو چه‌مش گنو کو ڕه‌که‌یش ماچو : ڕوڵه‌ ئینه‌نه‌ مه‌زه‌ب چێوی چیمنه‌شه‌ حه‌راڵ که‌رده‌ن ، ئه‌ی مه‌زه‌بو ئێمه‌ ! ئیمام شافعی هورێشه‌ش حه‌راڵ که‌رده‌ن ، دنــیا مــــه‌گـێــروش !  

                                       *************           

                   » باسوو یةروَمی مةکةرة «

    کابرةیَو بة نیازو هةرمانیَ وة یا کاسبی کةردَةی ملو وةلَاتو ویَش مازو جیا دمای چوار پةنج سالَا پیَدَاش بو وة مدَیو یةری زارولَیَشا هةنیَ ! کةچی ئیَدَ وةختیَو لوا زارولَةشا نةبیَ !

     پةرسو کةیوانویَش ئةریَ من لوانیَ سةفةر زارولَةما نةبیَ ئیسة ئی یةرة زارولَیَ چیَشا چرِا ئو تو ئةدَا و ئو من تاتة ؟!

ژةنةکیَ ماچو : پیاکــه ئیَندَنـة سةختـدَ وةنـة ویـةردَةن و چةکمةسةرییَدَ کیَشتیَنیَ هوشو ویَدَ نةمةنةنی ، ئیسة ماچوو پةیدَ : وةختیَو لوای ئینةشا هةر بیَما ! ویردَ نیا ، پیاکة ماچو ئةلحةکمولیللا ، ئــةی ئو دوةکـة ؟ ژةنةکیَ ماچــو وةختـیَو لوای لةمةم پةرِة بیَ پی دلیَرِاسینیو! پیاکة هةم ملـیَـو منیو لاوة و ماچو ئةی یةرومی ؟ ژةنةکیَ ماچو پیــاکة کــةرةش خاتـرةو ئو دوةکةی باســـــوو  یـةرومی مـةکـــةرة !   

                        

               ***************

    کابره‌ێوی دروزن ، روێو ...